اختر منطقتك 
حالة الطقس 
قالت الدكتورة إيمان أبو قورة، عضو مركز الأزهر العالمي للفتوى الإلكترونية، إن فريضة الحج لا تجب على المسلم أو المسلمة إلا عند الاستطاعة المادية الكاملة، مضيفة: “الست اللي مش معاها فلوس، مش مطالَبة شرعًا بالحج، لأنها ببساطة مش مكلفة بالفريضة دي من الأساس، لأن من شروط الوجوب الاستطاعة المالية”.
وأضافت عضو مركز الأزهر العالمي للفتوى الإلكترونية، خلال تصريحات تلفزيونية، اليوم الإثنين: “لكن لو كانت المرأة تشتاق للحج، وتغلب على ظنها أنها تقدر تسدد الدين لو اقترضت أو دخلت جمعية، وتقدر تلتزم بالسداد بعد الرجوع من الحج من غير مشقة كبيرة، ففي الحالة دي يجوز لها شرعًا إنها تسافر وتؤدي الفريضة، وحجها صحيح ومجزئ بإذن الله تعالى، بس ده مش واجب عليها، يعني مش مفروض عليها إنها تقترض علشان تروح، لأن الشريعة ما بتلزمش المسلم بتحصيل أسباب التكليف إذا لم يكن مكلفًا به من الأصل”.
وتابعت: “لكن لو عليها دين حالّ وواجب السداد، أو المال اللي معاها كله لازم لسداد الدين، ففي الحالة دي الأولى بل والواجب إنها تسد الدين الأول، لأنها تعتبر غير مستطيعة، والحج في حقها غير واجب، أما لو الدين مؤجل، أو هي عارفة إنها تقدر تسدد على أقساط ميسّرة، وسفرها مش هيأثر على التزامها بالسداد، فهنا لا حرج شرعًا أن تؤدي الفريضة”.
وأكدت “ربنا لا يكلف نفسًا إلا وسعها، والشوق لبيت الله الحرام جميل، لكن لازم نوازن بين الشوق والقدرة، علشان العبادة تكون مقبولة وتتم في إطار من التيسير والرحمة”.
حكم الطواف للحائض
قالت الدكتورة فاطمة عنتر، الواعظة في وزارة الأوقاف، إن مسألة طواف الحائض من الأسئلة المتكررة من الفتيات والسيدات أثناء أداء مناسك الحج أو العمرة، مؤكدة أن الشريعة الإسلامية راعت ظروف النساء وأعطتهن من التيسيرات ما يرفع الحرج عنهن، خاصة في أوقات الزحام وضيق الوقت.
وأوضحت في تصريحات تلفزيونية، أن “الحائض والطواف، سؤال بييجي لنا كتير من البنات أثناء الحج أو العمرة. دلوقتي هي حائض ومش عارفة تعمل إيه؟ ممكن المدة بتاعتها تخلص أو الرحلة اللي طالعة معاها يمشوا وهي لسه ما خلصتش المناسك“.
وأضافت “خليني أقول لك يا ست البنات إن الأصل إن المرأة تطوف وهي طاهرة، وإن الطهارة شرط لصحة الطواف، لأن سيدنا النبي عليه الصلاة والسلام قال: الطواف كالصلاة، فهو شرط لصحة الطواف، لكن لو المرأة حاضت، فالمفروض إنها تنتظر لغاية ما ينتهي حيضها، وبعد كده تطوف بالبيت، لكن لو كانت مرتبطة بمواعيد سفر، أو الفوج اللي معاها هيمشي، فما فيش مشكلة أبداً، لغاية ما ينتهي الحيض، مفيش أي مشكلة عليها إنها تتحفظ كويس وتطوف، وليس عليها شيء، لأنها تعتبر معذورة”.
وتابعت “ويُستحب في الحالة دي إنها تذبح بدنة، ويجوز لها إنها تذبح شاة، لكن لو ما تقدرش على ذبح ده أو ده، فإن شاء الله لا حرج عليها، لأنها من أصحاب الأعذار، والله أعلم”.
