اعتذرت الفنانة منة عرفة، من النجمة إلهام شاهين عما صدر منها كرد فعل على تصريحات إلهام شاهين حول من يعمل في الوسط الفني ومن لا يعمل في الوسط.
وكتبت منة عرفة على صفحتها الشخصية بموقع التواصل الاجتماعي “إنستجرام”: “أستاذتنا ونجمتنا الكبيرة وقدوتنا اللي دايماً بنفتخر بيها، دايماً بكون مبسوطة وفرحانة بحضرتك لما بشوفك في أي احتفالية أو مهرجان أو تكريم لأنك بجد تستاهلي كل التقدير والاحترام والمحبة، أنا عايزة أستغل الأيام الجميلة المفترجة اللي إحنا فيها دلوقتي وأقولك كل سنة وحضرتك طيبة جميلة وقلبك طيب وجميل وأبيض زي ما اتعودنا عليه، وناجحة وبخير دايماً يا رب وأعتذر لك وأقولك أنا آسفة على أي حاجة صدرت مني تجاه حضرتك في يوم من الأيام أنا مكنتش أقصدها، أنا بحبك وبحترمك جداً وبقدرك وبقدر فنك وإبداعك اللي كلنا كبرنا عليه واتعلمنا منه كتير وآخر حاجة بتمنى لك كل النجاح والتوفيق وكل الخير اللي في الدنيا لأنك تستاهلي كل حاجة حلوة زيك”.
وتعيش الفنانة إلهام شاهين حالة من النشاط الفني، خلال الفترة الحالية، إذ تعكف على تصوير مشاهدها في مسلسل سيد الناس، الذي ينتظر أن تشارك به في الموسم الدرامي الرمضاني المقبل.
وفي حوار لها مع موقع “صدى البلد” الإخباري، كشفت إلهام شاهين، عن كواليس مسلسل “سيد الناس”، وحقيقة الجزء الثاني من فيلم “دانتيلا”، كما كشفت عن سر رشاقتها وفستانها الفرعوني، وحقيقة وجود قصة حب في حياتها.
مسلسل سيد الناس
في بداية حاورها مع موقع “صدى البلد” الإخباري، كشفت الفنانة إلهام شاهين، كواليس مسلسل سيد الناس، التي تلعب بطولته مع عدد كبير من النجوم وينتظر عرضه في الموسم الدرامي الرمضاني المقبل.
وقالت إلهام شاهين: “معايا نخبة كبيرة من النجوم في مسلسل سيد الناس.. وانتم هتشوفوا فنانين مصر كلهم في المسلسل ده وأنا مبسوطة جدا بيه”.
وحول طبيعة دورها، تحفظت إلهام شاهين على ذكر أي تفاصيل حوله، مشيرة إلى أنه سيكون مفاجأة للمشاهدين، مشيرة إلى أنها تحب التنوع بين أدوار الخير والشر، معلقة: «أدوار الشر دي تخصص يعني.. ومسلسل بطلوع الروح خرجت فيه كل الشر من خلال دوري فيه».